Hitzarmenaren helburua da bi erakundeen arteko lankidetza sendotzea, giza garapen jasangarria, giza eskubideen defentsa eta desparekotasunen murrizketa bultzatzeko. Horretarako, hainbat herrialdetan garatuko diren proiektuak eta gizarte-eraldaketarako hezkuntza nahiz sentsibilizazio ekimenak sustatuko dira.

Sinadura ekitaldian  Bilboko Udaleko Giza Eskubideak, Bizikidetza, Lankidetza eta Kulturartekotasun saileko zinegotzi Iñigo Zubizarreta eta Euskal Fondoko lehendakari Nati López de Munain Alzola izan dira.

Hitzarmenaren sinadurarekin batera, 2026 Urteko Plan Operatiboa (UPO) ere onartu da. Plan horrek 2026rako aurreikusitako jarduketak zehazten ditu, Bilboko Udalak egindako 365.000 euroko ekarpenari esker, Euskal Fondoak urte honetan bultzatuko dituen bederatzi ekimen garatzeko.

Proiektuak Saharako Errepublika Arabiar Demokratikoan, Guatemalan, Kuban, El Salvadorren eta Euskadin garatuko dira, eta honako arlo hauek jorratuko dituzte: erakundeak indartzea, ura eta saneamendurako giza eskubidea, genero-berdintasuna, adinekoentzako arreta integrala, AKUAL programaren bidez Euskadi eta Erdialdeko Amerikaren arteko lankidetza teknikoa, Gaztenpatia garapenerako lankidetzako unibertsitate-praktiken programa eta saharar herriaren memoria berreskuratzea eta eskubideen defentsa.

Hitzarmen honen bidez, Bilboko Udalak eta Euskal Fondoak denboran zehar eraikitako lankidetza sendotu dute, tokiko erakundeek nazioarteko elkartasuna eta lankidetza deszentralizatua sustatzeko duten zeregina indartuz eta, udal-eremutik, mundu bidezkoago, berdinzaleago eta jasangarriago baten eraikuntzan lagunduz.

Proiektuen informazioa/ Información de los proyectos: