Sahararen Lagunen Elkarteen Estatuko Koordinakundea (CEAS-Sáhara) azaroaren 15 larunbaterako Madrilen deitu den estatu mailako manifestazio handia prestatzen ari da. Bertan Sahararen aldeko Estatu osoko lagunak izango dira, baita www.todosconelsahara.com kanpainan parte hartu duten artistak ere.  

Euskadi-Sahara Koordinakundea autobusak antolatzen ari da manifestaziora joateko. Pertsonako 15,00€ kobratuko da eta hortik gorako kostua Koordinakundeak bere gain hartuko du.

Izen emateko azken eguna azaroaren 8a da; 653739732 telefono zenbakira deituz edo koordinadora27febrero@gmail.com helbide elektronikora idatziz egin dezakezu.

Autobusak herri ezberdinetatik irtengo dira; jakineraziko dizkizuete abiapuntuak zein diren.