Auzitegi Orokorrak, goragoko instantzian errekurritu daitezkeen bi epaietan (Europar Batasuneko Justizia Auzitegia), Europar Batasunak eta Marokok sinatutako arrantza- eta arantzel-akordioak baliogabetzea erabaki du.

Justiziak arrazoia eman dio Fronte Polisarioari, akordioak legez kanpokoak direla iritzita, sahararrei behar bezala galdetu ez dietelako. Luxenburgon egoitza duen auzitegiak bi hilabeteko epea uzten du akordioak aplikatzen jarraitzeko, baina EBk helegitea aurkezten badu, akordioek indarrean jarraituko dute gaia EBko Justizia Auzitegiak behin betiko ebatzi arte.

Bertan behera utzitako akordioak EBk eta Marokok bi hitzarmenen inguruan egindako negoziazioen emaitza dira.

Alde batetik, Europar Batasunean jatorrizko Marokoko nekazaritza-produktuak inportatzeari eta "jatorrizko produktuak" kontzeptuaren definizioari buruzko elkartze Akordio Euromediterraneoaren Protokoloak aldatu nahi ziren, Marokoko agintarien kontrolpean esportatutako Mendebaldeko Saharako produktuetara hedatzeko Batasunera esportatutako marokoar jatorriko produktuei emandako arantzel-lehentasunak.

Bestetik, Europako Erkidegoaren eta Marokoren arteko Arrantza Akordioa aldatu nahi zen, eta, bereziki, akordio horren aplikazio-eremuan Mendebaldeko Sahararen lurraldearen ondoko urak sartu.

Erabaki horretatik honako hau ondoriozta daiteke, besteak beste:

• Auzitegi Orokorrak Fronte Polisarioaren eginkizuna eta ordezkagarritasuna aintzat hartzen dituela, eta Batasuneko justiziaren aurrean gaitasun prozesala ematen dizkiola.
• AOk adierazten du Fronte Polisarioak aintzatespena duela nazioartean, Mendebaldeko Saharako herriaren ordezkari gisa.
• Auzitegiak interpretatzen du Batasuneko agintariek akordioak egin aurretik hasitako kudeaketek ez zirela Mendebaldeko Saharako herriaren baimena lortzeko nahikoak izan.

Iturriak:

Europa Press

ElDiario.es

Argazkia: Javi Julio