PROIEKTUAK: denak
Euskadi - Erdialdeko Amerika (El Salvador eta Costa Rica) erakundearteko lankidetza-programa: Ura eta Saneamendua. III fasea
El Salvador - Costa Rica 2018-2020
ANDA (El Salvador) / AYA (Costa Rica) / Anamorosgo Udala / Yucuaiquíngo Udal-(a)k burutua
Helburua
El Salvador herrialdeko ANDA - Administración Nacional de Acueductos y Alcantarillados erakundearen eta Costa Ricako AYA - Instituto Costarricense de Acueductos y Alcantarillados erakundearen kudeaketa tekniko, operatibo, administratibo eta finantzariorako gaitasunak indartzea eta garatzea; El Salvadorko La Unión departamentuan dauden Anamoros eta Yucuaiquin udalerrien hiriguneetan bizi diren pertsonek ura eta saneamendua izateko duten eskubidea bermatzen laguntzea, iraunkortasunaren eta genero-ekitatearen alderdiak zainduta.
Laburpena
Anamoros eta Yucuauquin udalerrietako hiriguneetan, edateko ura hornitzeko bi sistema indartu eta operatibo bihurtzea; bi sistema horien bidez, hiriguneetako herritarren edateko ura jarraian eta kantitate eta kalitate egokian dutela bermatzen da. Berdintasuneko, ekitateko eta ingurumen-iraunkortasuneko estrategiak indartu dira udalerrietan. Osasunaren alorreko udal-unitateekin koordinatuta, uraren, oinarrizko saneamenduaren eta higiene pertsonalaren gaineko informazioko, komunikazioko eta heziketako programa bat abiatu Anamoros eta Yucuaiquin udalerrietako familiekin eta ikastetxeekin.
Garapenerako Lankidetzaren Euskal Agentziaren, Ura Ur Agentziaren, foru-aldundien, udalen eta uraren sektoreko enpresen laguntzarekin abiatu da proiektu hau.
Onuradunak
5.452 pertsona (%57 emakumeak eta %43 gizonak); ANDA eta AYA erakundeen lantalde kudeatzaileetako 250 pertsona.
Partekatu