Urteko Ekintza Programak 2026an garatuko diren jarduerak zehazten ditu, eta 18.100 euroko aurrekontua du.

Urteko Ekintza Programaren sinadura Nati López de Munain Euskal Fondoaren presidenteak eta Consuelo Frutos González Urnietako Udaleko Gizarte Zerbitzuetako zinegotziak egin dute, bi erakundeek nazioarteko lankidetza munizipalista, solidario eta eraldatzailearekin duten konpromiso partekatua berretsiz.

Urnietako Udalaren ekarpenari esker, Habanako Historialariaren Bulegoak (Kuba) garatzen duen adineko helduentzako arreta integraleko programa sendotzen jarraituko da, zahartze osasungarria eta adinekoen gizarte-partaidetza sustatuz. Halaber, Saharako Errepublika Arabiar Demokratikoko (SEAD) Garraio eta Energia Ministerioko zuzendaritza nagusien lana babestuko da, eta El Salvadorren emakumeen berdintasuna eta giza eskubideak sustatzen dituzten lurralde-estrategiak garatzen dituzten udalerriei laguntza emango zaie.

Urteko Ekintza Programa onartzeak aurreko urteetan babestutako proiektuei jarraipena emateko Urnietako Udalaren konpromisoa berresten du, garapen-prozesuak amaierara iristea eta haien eragina sendotzea ahalbidetzeko.

Akordio honen bidez, Urnietako Udalak nazioarteko lankidetzarekin duen konpromisoa indartzen du, giza eskubideak, justizia globala eta garapen jasangarria sustatzen dituzten ekimenak babesten jarraituz.

Proiektuen informazioa:

• Habanako Historialariaren Bulegoa (Cuba)

    https://labur.eus/Cuba-urnieta-eus

• Ministerio de Transporte y Energía de la RASD

    https://labur.eus/RASD-Unieta-eus

• Igualdad y derechos de las mujeres (El Salvador)

  https://labur.eus/ElSalvador-Unieta-eus