Hitzordu honek jarraipena ematen dio 2021ean Kordoban eta 2023an Lugon hasitako bideari, ikaskuntzak partekatzeko, lurralde-sareak indartzeko eta tokian tokikotik sortzen den nazioarteko lankidetzan aurrera egiteko ezinbesteko foro bat sendotuz.

Euskal Fondoak, euskal udalerrietatik lankidetza deszentralizatua bultzatzen duen erakundea den aldetik, oso positibotzat jotzen ditu elkarrizketarako eta elkarrekin eraikitzeko gune horiek. Askotariko eta elkarri lotutako erronkek markatutako testuinguru globalean, tokiko gobernuek erakusten dute eginkizun aktiboa eta eraldatzailea dutela garapen jasangarrirako nazioarteko agendan.

Topaketan, besteak beste, honako gai hauek landuko dira: lankidetza feminista, emakumeen parte-hartzea tokiko garapenean, Garapenerako Laguntza Ofizialerako (GLO) ekarpen munizipalista, eta lurraldeetatik nazioarteko elkartasunean eragiten duten esparru arauemaile berriak.

Lankidetza eta Elkartasun Fondoen Konfederazioak (CONFOCOSek) eta Fons Valencià per la Solidaritatek antolatu dute topaketa, eta Gandiak hartu du lekukoa, estatuko, autonomia-erkidegoko eta tokiko erakunde publikoen laguntzarekin.

Euskal Fondoak dei egiten die euskal udalerriei lankidetza eraldatzaile, feminista eta giza eskubideekin lerrokatutako baten aldeko konpromisoa indartzen jarraitzera, eszena globalean tokikoaren papera indartzen duen espazio honetan aktiboki parte hartuz.