Azken urteotan, Euskadin, beste lurralde batzuetan bezala, lankidetza publikoaren eredua berrikustera bideratutako prozesu bati ekin zaio. Berrikusteko eta lankidetza egiteko beste modu batzuk bilatzeko prozesu horretan, erakundeen arteko koordinaziorako eta baterako ekintzarako ekimen pilotu bat esploratzeari ekin zitzaion.

Uraren eta saneamenduaren arloari lehentasuna eman zitzaion, honako arrazoi hauengatik: (i) EAEko lankidetzaren esperientzia metatua, batez ere udal-erakundeek uraren eta saneamenduaren arloan bultzatutakoa, (ii) lankidetza teknikoko esperientziak Euskadiko ur-operadoreen eta Latinoamerikako ur-erakundeen artean, eta (iii) URA-Uraren Euskal Agentziaren eta Garapenerako Lankidetzaren Euskal Agentziaren (GLEA) arteko akordio bat. Kanona Programa lankidetzan jarduteko modu berrien aldeko apustua da, eta erakunde publikoek eginkizun bultzatzailea dute, eta ez soilik lankidetza-ekimenak finantzatzekoa, lankidetza teknikoko ardatz garrantzitsu bat barne.

Hori dela eta, programa bi urte eta erdiz gauzatu ondoren, eta programa amaitu baino lehen, erakunde sustatzaileek lankidetza teknikoaren arloan zentratutako edo elementu garrantzitsuak dituzten erakunde arteko ekimenak sustatzeko ikaskuntzak ateratzeko sistematizazio bat egitea planteatzen dute. Horrela, sistematizazioak honako hauek aztertu beharko ditu: (i) lankidetza teknikoaren esperientzia (ipar-hego eta hego-hego), eta (ii) askotariko eragileen erakunde arteko koordinazioaren esperientzia.

Proposamen bat aurkeztu nahi izanez gero, kontsultatu HEMEN erreferentziako terminoak.