Luali Lebser argazkilariaren 35 argazki zuri-beltzek osatzen dute erakusketa. Irudien bidez, Mendebaldeko Saharako lurralde okupatuetako errealitatera hurbiltzeko eta saharar herriak bizi duen egoerari buruz hausnartzeko aukera eskaintzen du.

Garazi Hach Embarek Irizar aktibista euskal-sahararrak bisita gidatua eskaini zuen erakusketan, argazkien testuingurua eta haien atzean dagoen errealitatea azaltzeko. 

Gainera, Zarauzko ikastetxeetako ikasleentzako bisita gidatuak egiten ari dira, gazteen artean Saharako egoeraren inguruko ezagutza eta sentsibilizazioa sustatzeko.

Informazio praktikoa:

• Erakusketa: Sahara: Lurralde Okupatuak
• Lekua: Zarauzko Merkatu plazako lehen solairua
• Noiz: urriaren 19ra arte