Lanak El Salvadorreko eraldaketa sozialean aktibismo feministak duen zereginari buruzko testigantzak jasotzen ditu. Horrez gain, Euskal Fondoaren eta Colectiva Feminista para el Desarrollo Local erakundearen arteko lankidetza testuinguruan kokatzen duen sarrera-bideo bat ere eskaini zen.

Ikus-entzunezkoak salaketa, memoria eta aldarrikapena uztartzen ditu, eta giza eskubideen eta genero-berdintasunaren aldeko borroka-errealitateak hurbiltzen dizkio publikoari, ikuspegi feministatik. Proiekzioaren ondoren, solasaldirako eta hausnarketak partekatzeko tartea zabaldu zen, emakumeek bizi dituzten errealitateen eta borroka feministen garrantziaren inguruan.

Ekimen hau #AquíSíSeHaceLucha kanpainaren barruan kokatzen da. Euskal Fondoak bultzatutako kanpainaren helburua da euskal udalerriek nazioarteko lankidetzarekin eta giza eskubideen defentsarekin duten konpromisoa ikusaraztea, baita emakumeen eskubideen alde lanean ari diren erakunde feministen jarduna herritarrengana hurbiltzea ere.

Jarduera honen bidez, Orexak beste errealitate batzuk ezagutzeko, eraldaketa sozialeko prozesuetan mugimendu feministak duen garrantzia aitortzeko eta genero-berdintasunarekiko eta giza eskubideekiko konpromisoa indartzeko sentsibilizazio-ekimenekin bat egin du.