Ekainaren 17an eta 18an, Euskal Fondoak parte hartu zuen Sevillan egin ziren Ura Kudeatzen duten Eragileen Arteko Senidetzeei Buruzko Elkarrizketetan (WOP), Espainiako Nazioarteko Lankidetzarako Agentziak (AECID) eta GWOPA/UN-Habitat-ek antolatuta, EMASESA Metropolitanoaren laguntzarekin.

Bi jardunalditan zehar, uraren kudeaketaz arduratzen diren erakunde publikoek, deszentralizatutako lankidetzarako funtsek eta gizarte-erakundeek esperientziak eta erronkak partekatu zituzten, senidetzeak lankidetza teknikorako tresna gisa sendotzeko. Helburua da erakundeak indartzea, jasangarritasuna bultzatzea eta uraren eskubidea unibertsalki bermatzea (6. GJH).

Euskal Fondoak bereziki baloratu zuen topagune hau, zeinak aukera eman baitzuen erakunde publikoen arteko aliantzak indartzeko, lankidetzarako aukerak identifikatzeko eta tokiko funtsek nazioarteko lankidetza publikoan duten eginkizuna agerian jartzeko.

Topaketako gako nagusi batzuk:

• Lankidetza mota honen inguruko erantzukizun eta eskari gero eta handiagoa.
• Eragileen arteko ikaskuntza eta ezagutza transferentzia.
• Tokiko errealitateetara egokitzeko malgutasuna eta moldagarritasuna.
• Etengabeko laguntza eskatzen duten erronka instituzionalak.
• Epe luzeko eragina bermatzeko ikuspegi jasangarria.
• Talentua erakartzea eta berritzea sektore publikoan.

• GJHen betetzean aliantzek duten biderkatze-efektua.

•