Proiektua gauzatzeko udalerriko Handikazko eraikitzen ari dira, komertzializazio baldintzak hobetu eta tokiko ekonomia indartzeko asmoz. Esku-hartzeak biztanleriaren ahalduntze ekonomikoari laguntzen dio, batez ere emakumeen ahalduntzeari. Horretarako, nekazaritza- eta abeltzaintza-produktuen, artisau-produktuen eta bestelakoen merkaturatzea sustatzen du, gizarte-portaera aldatzera eta familia-ekonomia hobetzera bideratutako prestakuntza-prozesuen bidez.

Proiektuaren onuradunek  zuzenean 560 merkatari dira (% 62 emakumeak eta % 38 gizonak), eta zeharka udalerriko 60.000 biztanle.

Bisitan zehar, Euskal Fondoak burutzen ari diren lanak ikusteko aukera izan zuen eta udal talde teknikoarekin bilera bat izan zuen. Bileran Tactic-eko Emakumearen Udal Zuzendaritzak ere parte hartu zuen. Topaketa horretan, prestakuntza prozesuaren barruan merkatuko emakumeei ematen ari zaizkien gaiak berrikusi ziren, baita proiektuan aurreikusitako ekintzen garapena eta jarraipena ere.

Proiektuak Basauri, Beasain, Bilbo, Burgelu, Legazpi eta Ordiziako udalen eta Arabako Batzar Nagusien laguntza du.

Bisita hau Euskal Fondoak babestutako proiektuen jarraipenarekin eta tokiko gaitasunen indartzearekin duen konpromisoaren parte da. Beti garapen ekonomikoa garatzeko helburuarekin eta genero-ikuspegia txertatuz.

• Proiektuaren informazio gehiago